Мэдээний Дэлгэрэнгүй

#STREAMproject_төслийн_үйл_ажиллагаанд оролцлоо.

“Хөдөө аж ахуйн менежмент, экосистемийн тогтвортой байдлыг хангах” буюу товчоор STREAM+ төсөл нь Европын Холбоо болон Холбооны Бүгд Найрамдах Герман Улсын Эдийн засгийн хамтын ажиллагаа, хөгжлийн яамнаас санхүүжүүлэн, GIZ Mongolia Германы олон улсын хамтын ажиллагааны нийгэмлэг (GIZ), НҮБ-ын Хүнс, хөдөө аж ахуйн байгууллага (FAO), Монгол Улсын Байгаль орчин, уур амьсгалын өөрчлөлтийн яам (БОУАӨЯ) хамтран 2028 он хүртэл хэрэгжүүлэхээр төлөвлөсөн төсөл юм.

Энэхүү төсөл нь Монгол Улсын ногоон, дижитал шилжилтийн бодлого, үйл ажиллагааг бэхжүүлэхэд чиглэгдсэн.

Тус үйл ажиллагааг хөдөө аж ахуй, ойн аж ахуйн тогтвортой туршлагыг сурталчлах, өртгийн сүлжээг тогтвортой, байгаль орчинд ээлтэй байдлаар хөгжүүлэх, мэргэжлийн болон техникийн боловсролыг сайжруулах, ногоон технологийг нэвтрүүлэх замаар бүтээмжийг нэмэгдүүлж, амьжиргааг дээшлүүлэх, экосистем, биологийн олон янз байдлыг бэхжүүлж, улмаар ирээдүй хойч үеийн тогтвортой байдлыг хангах зорилгын дор зохион байгуулагдлаа.

Тус өдөрлөгт Германы олон улсын хамтын ажиллагааны дэмжлэгтэйгээр бий болсон Техник Технологийн Политехник Коллежийн мужааны чадамжийн төвийн багш, суралцагчдын бүтээлийг олон нийтэд танилцуулан ажиллаа.

STREAM+ төслийн хүрээнд модон бүтээгдэхүүний үйлдвэрлэл, ашиглалтыг дэмжих нь чухал ач холбогдолтой гэж үзэж бид хамтран оролцсон. Тухайлбал:

• Ойн менежмент, мод үржүүлэг: Төсөл нь ойн арчилгаа, мод үржүүлгийн чиглэлээр сургалт, туршлага судлах аялал зохион байгуулж, орон нутгийн иргэдийн мэдлэг, ур чадварыг дээшлүүлэхэд хувь нэмэр оруулж байна. 
• Модон бүтээгдэхүүний үйлдвэрлэл: Орон нутгийн иргэдийн амьжиргааг дээшлүүлэх, байгаль орчныг хамгаалах зорилгоор модон бүтээгдэхүүний үйлдвэрлэлийг дэмжих, эко аялал жуулчлалыг хөгжүүлэхэд чиглэсэн үйл ажиллагааг хэрэгжүүлж байна. 

Эдгээр үйл ажиллагаа нь орон нутгийн иргэдийн орлогыг нэмэгдүүлэх, байгаль орчныг хамгаалах, тогтвортой хөгжлийг дэмжихэд чухал хувь нэмэр оруулах үр дүн хүлээгдэж байна. @topfansТехник Технологийн Дээд Сургууль - IETТүүхт 40 жил -Техник технологийн дээд сургуульNews_IETIET Green TVETEco-Schools MongoliaБоловсролын яамБоловсролын ерөнхий газарБаянгол дүүргийн Насан Туршийн Суралцахуйн ТөвБоловсролын магадлан итгэмжлэх үндэсний зөвлөлГэр бүл, хөдөлмөр, нийгмийн хамгааллын яамХөдөлмөр, Нийгмийн Хамгааллын Сургалт, Үнэлгээ, Судалгааны ИнститутTranswest MongoliaБоловсролын үнэлгээний төвМБС Түншлэл - VET PartnershipМУБИС-Багш, Насан Туршийн Боловсрол