Users
Customers
Projects
Техник Технологийн Политехник Коллежийн тэргүүлэх хөтөлбөрийн нэг болох гагнуурчин мэргэжлийн хөтөлбөрийг магадлан итгэмжлэхээр Боловсролын магадлан итгэмжлэх үндэсний зөвлөл шинжээчид томилогдон ажиллаж байна.
Сургалтын хөтөлбөрийн магадлан итгэмжлэлээр сургалтын хөтөлбөр, багшийн нөөц, чадавх, тоног төхөөрөмж, орчин, дэд бүтэц, хамтын ажиллагаа, суралцагчдын хөгжил зэрэг хүчин зүйлсийг нарийвчлан үнэлэх юм.
Хөтөлбөрөө магадлан итгэмжлүүлснээр дараах үр өгөөжийг хүртэхээр төлөвлөж байна.
- Ажил олгогчдын итгэлийг нэмэгдүүлдэг. Итгэмжлэгдсэн хөтөлбөрөөр төгссөн гагнуурчид салбарын шаардлагад нийцсэн ур чадвартай гэдгийг ажил олгогчид шууд хүлээн зөвшөөрнө.
- Төгсөгчдийн ажлын байранд гарах боломж нэмэгдэж, өрсөлдөх чадвар сайжирна.
- Олон улсад хүлээн зөвшөөрөгдөх үндэс суурь болдог. Энэ нь гадаадад ажиллах, давтан суралцах, мэргэжлээ дээшлүүлэхэд давуу тал болно.
- Сургалтын орчин, тоног төхөөрөмж сайжрах хөшүүрэг. Итгэмжлэлийн шалгуур хангахын тулд техник тоног төхөөрөмжөө шинэчилж, практик сургалтыг сайжруулдаг. Үүний үр дүнд сурагчид бодит орчинд, ажлын байранд дөхөж суралцах боломжтой.
- Тогтвортой хөгжлийн баталгаа болно. Тухайлбал өөрийн үнэлгээ тогтмол хийгддэг учир хөтөлбөр тасралтгүй сайжирч, хөдөлмөрийн зах зээлийн хэрэгцээнд нийцэх шинэчлэлүүд хийгдэх юм.
Гагнуурчин мэргэжлийн хөтөлбөрийн магадлан итгэмжлэл нь зөвхөн сургуулийн нэр хүнд төдийгүй сурагчдын ирээдүйн ажил, хөгжлийн баталгаа, төгсөгчдийн үнэлэмжийг нэмэгдүүлдэг стратегийн чухал үйл ажиллагаа болно. Амжилт хүсье.
News_IETТүүхт 40 жил -Техник технологийн дээд сургуульТехник Технологийн Дээд Сургууль - IETIET Green TVETEco-Schools MongoliaColombo Plan Staff College for Technician Education (CPSC)
Мэдээний сангаас хайх ...
Сүүлд орсон мэдээлэл
ВИДЕО МЭДЭЭ
Бүх нийтлэл